Բայդենը Պուտինին մարդասպան է անվանել և հայտարարել, որ «թանկ կվճարի»

ԱՄՆ նախագահ Ջո Բայդենը ՌԴ նախագահ Վլադիմիր Պուտինին համարում է մարդասպան: ABC News-ին տված հարցազրույցում նա ասել է, որ Կրեմլի ղեկավարը վճարելու է ամերիկյան ընտրություններին միջամտելու համար:

Բայդենը նշել է, որ ինքը հունվարի վերջին հեռախոսազրույցի ընթացքում նախազգուշացրել է Պուտինին ընտրությունների խառնաշփոթին հնարավոր արձագանքի մասին:

Միացյալ Նահանգների ազգային հետախուզության տնօրենի գրասենյակը երեքշաբթի հրապարակել է գաղտնազերծված զեկույցը 2020 թ. ընտրություններին օտարերկրյա միջամտության վերաբերյալ, ըստ որի՝ Ռուսաստանի նախագահը ղեկավարել է Բայդենի թեկնածությունը «սևացնելու» արմատական ջանքերը:

«Նա կվճարի դրա համար,- ասել է Բայդենը:- Մենք երկար զրույց ենք ունեցել, ես նրան համեմատաբար լավ գիտեմ: Զրույցը սկսվեց, ես ասացի. «Ես քեզ ճանաչում եմ, և դու ինձ գիտես: Եթե ես պարզեմ (որ դուք խառնվել եք ընտրություններին), ապա պատրաստ եղեք»:

Լրագրողը հարցրել է Բայդենին. «Դուք գիտեք Վլադիմիր Պուտինին: Ի՞նչ եք կարծում, նա մարդասպա՞ն է»:

«Մմմ...հըմ, կարծում եմ՝ այդպես է» - պատասխանել է Բայդենը: