Ուկրաինան պատրաստվում է պատերազմի. ուկրաինացի պատգամավոր

Ուկրաինայի Գերագույն ռադայի «Ընդդիմության պլատֆորմ՝ հանուն կյանքի» ռուսամետ կուսակցությունից պատգամավոր Ռինատ Կուզմինը կարծում է, որ Կիևը պատրաստվում է պատերազմի և դրա համար ստեղծումանհրաժեշտ տեղեկատվական դաշտ: Այս մասին նա հայտարարել է «Առաջին անկախ» հեռուստաալիքի եթերում:

«Դա վերջին ամսվա կամ վերջին երկու ամիսների ռազմատենչ հռետորաբանությունն է, որին աջակցում են որոշ հեռուստաալիքներ, իսկ մյուսները չեն աջակցում... Սա պատերազմի իսկական նախապատրաստություն է: Եվ ամեն ինչ, ինչ տեղի է ունենում սրա շուրջ տեղեկատվական տարածքում, նույնպես պատերազմի նախապատրաստություն է»,- ասել է նա:

Դոնբասում նույնպես սկսել են խոսել Դոնբասը բռնազավթելու նպատակով ռազմական գործողությունները վերսկսելու՝ Ուկրաինայի նախապատրաստական աշխատանքների մասին: Հանրապետության ղեկավար Դենիս Պուշիլինի խոսքով՝ իրենց հետախուզական ծառայությունները հայտնում են «ուկրաինական դիվերսիոն խմբերի մասին, որոնք  ուղղվում են դեպի շփման գիծ»:

Պուշիլինը հավաստիացրել է, որ Դոնբասը ստեղծել է լիարժեք բանակ, որը «չի վարանի պատասխան հարվածներ հասցնել»:

Ըստ նրա՝ սրման նշան է այն փաստը, որ ուկրաինական կողմը դադարեցրել է թույլատրել մարդասիրական ավտոշարասյունների անցումը։