3 տարի առաջ - 2021-03-04 19:10 
Ռազմագերիների հարցում Մոսկվան ելնում է այն հանգամանքից, որ փոխանակման օպտիմալ բանաձեւն է՝ բոլորը բոլորի դիմաց: Այս մասին ասել է ՌԴ ԱԳՆ պաշտոնական ներկայացուցիչ Մարիա Զախարովան:
Ի պատասխան հարցին՝ Ռուսաստանն արդյոք տվյալներ ունի՞ Ադրբեջանում հայ գերիների թվի մասին, նա նշել է. «Այս խնդրի հանդեպ կողմերի դիրքորոշումը տարբեր է: Տվյալները զգալիորեն տարբերվում են: Թվերը, որոնց վրա հենվում է պաշտոնական Երեւանը պարբերաբար փոխվում են: Բաքվից այլ տեղեկություն է ստացվում: Հաշվի առնելով նման զգալի տարբերությունները՝ մենք խորհուրդ ենք տալիս դիմել անմիջաբար կողմերին»:
Նրա խոսքով՝ այսօրվա դրությամբ ռուս խաղաղապահների միջնորդությամբ ընդհանուր առմամբ վերադարձվել է 79 մարդ. – 63 հայկական կողմում, 16՝ ադրբեջանական: «Մեր կողմից կցանկանայինք մեկ անգամ եւս շեշտել այս կապակցությամբ Մոսկվայի դիրքորոշումը. մենք ելնում ենք այն հանգամանքից, որ փոխանակման լավագույն ձեւն է բոլորը բոլորի դիմաց: Կարծում ենք, որ այս հարցի շուտափույթ լուծումը կողմերին թույլ կտա շրջել հարաբերություններում ողբերգական էջերը եւ կենտրոնանալ դրական օրակարգը առաջ մղելու վրա: Ներառյալ տնտեսական ոլորտում»:
2024-11-21 22:28
