ՏԵՍԱՆՅՈՒԹ․ Վարչապետն ապրում է այլ իրականության մեջ՝ եթե ռազմական հեղաշրջման փորձ անեին, զորքը Երևանում կլիներ․ Կիրո Մանոյան

Ռազմական հեղաշրջման փորձ չի եղել՝ ըստ Yerkir.am-ի ասաց ՀՅԴ Բյուրոյի Հայ դատի և քաղաքական հարցերի գրասենյակի տնօրեն Կիրո Մանոյանը Բաղրամյան պողոտայում, որը երկկողմանի փակել են Հայրենիքի փրկության շարժման ցուցարարները և պահանջում են, որ ԱԺ-ն նիստ գումարի և դադարեցնի Նիկոլ Փաշինյանի լիազորությունները իբրև վարչապետ։

«Վարչապետն ապրում է այլ իրականության մեջ․ հայտարարեց, որ կատարվածը ռազմական հեղաշրջման փորձ է, եթե ռազմական հեղաշրջման փորձ անեին, զորքն արդեն կլիներ առնվազն Երևանում»,-ասաց Կիրո Մանոյանը:

Նրա համոզմամբ՝ ԶՈՒ ԳՇ կողմից Նիկոլ Փաշինյանի հրաժարականի պահանջը վկայությունն էր այն խնդիրների, որոնք ԳՇ-ն համբերատար, լռությամբ տարել է պատերազմի հենց սկզբից։

Վարչապետի երեկվա հավաքի մասին Մանոյանն ասաց, որ Փաշինյանը ուժ ցուցադրելու ցանկություն է ունեցել:

«Երեկ հարմար պահ էր համարել ու, իրեն աջակցող օլիգարխների աջակցությամբ, պետական համակարգի աշխատողներին մասնակցել պարտադրելով, որոշակի թիվ էր ապահովել: Իսկ մինչ իր հավաքը սկսելը Ազատության հրապարակի կողքով կազմակերպած երթը սադրանք էր և ճիշտ չէր»,-ասաց Կիրո Մանոյանը:

Մանրամասն՝ տեսանյութում․