Ակցիաների և ոստիկանության գործողությունների իրավաչափության ու համաչափության վերաբերյալ մշտադիտարկում է իրականացվելու. Անի Սամսոնյան

Ամենօրյա ռեժիմով ցույցերի, ակցիաների և ոստիկանության գործողությունների իրավաչափության ու համաչափության մասով մշտադիտարկում է իրականացվելու: Այդ մասին տեղեկացրել է «Լուսավոր Հայաստան» խմբակցության անդամ, ԱԺ Մարդու իրավունքների պաշտպանության և հանրային հարցերի մշտական հանձնաժողովի նախագահի տեղակալ Անի Սամսոնյանը:

«Հաշվի առնելով ներքաղաքական լարվածությունը և փողոցում իրականացվող բողոքի գործողությունները՝ տեղեկացնում եմ, որ ամենօրյա ռեժիմով իրականացնելու ենք հավաքների, ցույցերի, այլ բողոքի ակցիաների և ոստիկանության գործողությունների իրավաչափության ու համաչափության մասով մշտադիտարկում։

Ամեն ինչ արձանագրելու ենք», - ֆեյսբուքյան էջում գրել է Սամսոնյանը։