Վաղն իր գժի թուղթը կհանի, եւ որպես անմեղսունակ պատասխանատվությունից կազատվի․իմքայլականի հայրը՝ Փաշինյանի մասին

Էս դեմքը վաղն իր գժի թուղթը կհանի, եւ որպես անմեղսունակ պատասխանատվությունից կազատվի։ Այս մասին Ֆեյսբուքի իր էջում գրել է «Իմ քայլը» խմբակցության պատգամավոր Միքայել Զոլյանի հայրը՝  քաղաքագետ Սուրեն Զոլյանը՝ հրապարակելով վարչապետ Նիկոլ Փաշինյանի՝ 2020թ․-ի սեպտեմբերին գրված հոդվածը։

Նա, մասնավորապես, գրել է․

«Լավ, Էս դեմքը վաղն իր գժի թուղթը կհանի, եւ որպես անմեղսունակ պատասխանատվությունից կազատվի։

Բա մենք, որ նման հիմարություններ կարդում ենք Արմենպրեսով,

Բա աշխարհը, որն Արմենպրեսից է իմանում Հայաստանի իրադարձություններից։

Ապուշը իրոք ունի սխալվելու իրավունք։

Դրա համար էլ վտանգ ներկայացնող ապուշներին մեկուսացնում են, որ իրենց սխալվելու իրավունքը ուրիշների գլխին պատուհաս չդառնա։

Եթե ազգը չի դիմադրում, պատրաստվենք նոր սխալներ կուլ տալուն։

Այս արարածը անկեղծ ասում է՝ ինձանից ոչ մի ճիշտ բան մի սպասեք։

Իսկապես, անմեղսունակից միայն իրենից ավելի անմեղսունակը կարող է սպասելիքներ ունենալ»։