Ռուսաստանը Սիրիայում ԻՊ-ի քնած բջիջների ակտիվացում է արձանագրել. Լավրենտև

Ռուսաստանը Սիրիայում ԻՊ-ի քնած բջիջների ակտիվացում է արձանագրել. երեքշաբթի հայտարարել է Ռուսաստանի Դաշնության նախագահի՝ Սիրիայի հարցով հատուկ ներկայացուցիչ Ալեքսանդր Լավրենտևը։

Նրա խոսքով՝ Սիրիայում գործող ահաբեկչական կազմակերպությունների հետ համաձայնությունները բացառվում են, և դրանց ամբողջական ոչնչացման վրա կենտրոնացումը շարունակվում է:

«Քննարկվել է, թե ինչ պետք է անենք ՄԱԿ-ի Անվտանգության խորհրդի կողմից ահաբեկչական ճանաչված միջազգային այնպիսի կազմակերպությունների դեմ պայքարում, ինչպիսիք են «Իսլամական պետությունը», «Հայաթ Թահրիր ալ Շամը» և այլք: Կրկնում եմ մեկ անգամ ևս՝  հրամայականը այդ խմբերի ամբողջական ոչնչացումն է: Ահաբեկիչների հետ փոխզիջումային համաձայնություններ չեն կարող լինել»,- ասել է Լավրենտևը: