Հայաստանում 2020-ին ստվերային շրջանառությունն աճել է 7 մլրդ դրամով կամ 434 տոկոսով

2020 թվականին ապրանքների իրացման իրական ծավալների եւ գների ստուգումների արդյունքում անցկացվել է 493 միջոցառում, որոնց արդյունքում 8.5 մլրդ դրամի ստվերային շրջանառություն է հայտնաբերվել, որի արդյունքում հարկերն աճել են 730 մլն դրամով: Այս մասին հունվարի 29-ին լրագրողների հետ հանդիպմանն ասաց Հայաստանի պետական եկամուտների կոմիտեի քննչական եւ օպերատիվ-որոնողական վարչության պետ Վահան Չարխիֆալակյանը:

Նրա խոսքով` 2019 թվականին նույն ուղղությամբ անցկացվել է 87 միջոցառում, որոնց արդյունքում իրացման շրջանառությունն աճել է 1.6 միլիարդ դրամով, իսկ լրացուցիչ հարկերը` 214 միլիոն դրամով:

«2020-ին աճը կապված է ՊԵԿ-ի արդյունավետ աշխատանքի եւ վերահսկման նոր մեխանիզմների ներդրման հետ: Խախտումները հիմնականում թույլատրվում են մանրածախ առեւտրի եւ շինարարության ոլորտում եւ կապված են այն բանի հետ, որ ընկերությունները թաքցնում են իրական շրջանառությունը, արհեստականորեն ավելացնում են ծախսերը, չեն գրանցում աշխատողներին, չեն վճարում համապատասխան հարկերը»,- հավելեց պաշտոնյան: