Զարիֆը Վրաստանում քննարկել է Սև ծովը և Պարսից ծոցը կապող տարանցիկ միջանցքի հարցը

Թբիլիսիում հանդիպման ժամանակ խոսել ենք Սև ծովը և Պարսից ծոցը կապող տարանցիկ միջանցքի մասին. գրել է Իրանի արտգործնախարար Մուհամադ Ջավադ Զարիֆը թվիթերյան միկրոբլոգում Վրաստանի կառավարության ներկայացուցիչների հետ հանդիպումից հետո:

«Ես Թբիլիսիում հանդիպել եմ նախագահ Սալոմե Զուրաբիշվիլիի և վարչապետ Գիորգի Գախարիայի հետ: Հեռախոսազրույց եմ ունեցել կարանտինում գտնվող արտգործնախարար Դավիթ Զալկալիանիի հետ: Մենք հիանալի քննարկումներ են ունեցել երկկողմ, բազմակողմ հարաբերությունների ընդլայնման և տարածաշրջանային համագործակցության վերաբերյալ, հատկապես՝ Սև ծովը և Պարսից ծոցը կապող տարանցիկ միջանցքի շուրջ»,- նշել է Իրանի արտգործնախարարը: