ՏԵՍԱՆՅՈՒԹ․ Ակնկալում ենք համանախագահների այցը տարածաշրջան․ Արա Այվազյան

Եթե խոսում ենք խաղաղության մասին, ապա դա պետք է լինի արժանապատիվ խաղաղություն՝ ըստ Yerkir.am-ի հայտարարեց ՀՀ արտգործնախարար Արա Այվազյանը Եռաբլուրում լրագրողների հետ զրույցում։

Խոսելով Արցախի կարգավիճակի մասին՝ արտգործնախարարը ասաց, որ ԵԱՀԿ ՄԽ համանախագահները և արտգործնախարարները նշում են, որ կան առանցքային հարցեր, որոնք պետք է հասցեագրվեն, և առանցքային հարցը մնացել է Լեռնային Ղարաբաղի կարգավիճակի հստակեցման հարցը։

«Օրերս համանախագահները հանդիպել են և մենք մոտ ժամանակներս իրենց հետ կկապվենք և ակնկալում ենք նրանց առաջիկա այցը տարածաշրջան»,-նշեց Արա Այվազյանը։

Նա չհստակեցրեց՝ երբ է նախատեսվում այցը։

Եթե անգամ Ադրբեջանը հայտարարում է, որ Արցախի հարցը փակված է, արտգործնախարարը հիշեցրեց, որ երեկ ինքը ընդգծել է, որ եթե մենք խոսում ենք տարածաշրջանում կայունության և խաղաղության մասին, ապա պետք է ընդհանուր ըմբռնում լինի, որ տարածաշրջանը չպետք է ունենա հաղթողներ և պարտվողներ։

«Եվ, կարծում եմ, բոլորի կողմից կա ըմբռնում, որ եթե խոսում ենք խաղաղության մասին, ապա դա պետք է լինի արժանապատիվ խաղաղություն»,-եզրափակեց նախարարը։

Մանրամասն՝ տեսանյութում․