Կիպրոսը և ԱՄԷ-ն համագործակցության հուշագիր են ստորագրել պաշտպանության ոլորտում

Այս շաբաթվա սկզբին Կիպրոսը և Արաբական Միացյալ Էմիրությունները ստորագրել են իրենց առաջին ռազմական համագործակցության համաձայնագիրը, քանի որ կղզին ձգտում է ամրապնդել հարաբերությունները Մերձավոր Արևելքի հարևան երկրների հետ: Հուշագիրը ստորագրվել է երկու երկրների պաշտպանության նախարարների տեսակամրջի ընթացքում. հայտնում է կիպրական ՊՆ–ն՝ հավելելով, որ պայմանավորվածություն է ձեռք բերվել հանդիպելու նաև դեմ առ դեմ, երբ հանվեն սահմանափակումները։

Համաձայնագիրը ներառում է հետագա համատեղ վարժանքների և օպերատիվ համագործակցության առաջարկներ: Ըստ «Ասոշիեյթիդ պրես» գործակալության՝ Կիպրոսի պաշտպանության նախարար Խարալամբոս Պետրիդիսը գործարքն անվանել է երկու երկրների զինված ուժերի ռազմավարական հարաբերությունների նոր էջ:

Պետրիդիսը նաև նշել էց, որ վերջերս Եգիպտոսի, Կիպրոսի, Հունաստանի, Ֆրանսիայի և Արաբական Միացյալ Էմիրությունների զինված ուժերի հետ համատեղ MEDUSA ծածկագրով համատեղ լայնամասշտաբ զորավարժությունները համագործակցության հեռանկարների շոշափելի ապացույցն են: