Իրանի նախագահը հայտարարել է, որ երկիրը հաղթահարել է կորոնավիրուսի երրորդ ալիքը

Իրանի նախագահ Հասան Ռոհանին հայտարարել է, որ երկիրը հաղթահարել է կորոնավիրուսի տարածման երրորդ ալիքը: Համապատասխան հայտարարությունը քաղաքական գործիչը կատարել է հինգշաբթի օրը:

«Բնակչության, բժշկական անձնակազմի և մոբիլիզացված ուժերի հետ համատեղ մեր ընդհանուր աշխատանքի արդյունքում մենք կարողացանք հաղթահարել կորոնավիրուսի տարածման երրորդ ալիքը», - ասել է նա:

Դեկտեմբերի սկզբից Իրանում նկատվում է կորոնավիրուսի նոր դեպքերի թվի անկում: Այսպիսով՝ կիրակի օրը՝ նոյեմբերի 1-ից ի վեր առաջին անգամ, դեպքերի թիվը պակաս էր 8 հազարից: Երկրում համաճարակի սկզբից վարակվածների ընդհանուր թիվը կազմում է 1 108 269 մարդ, 52 196 մահվան դեպք և 812 270 ապաքինված: