6-րդ կետը՝ Փաշինյանի սպառված իշխանության խորհրդանիշ

ՀՀ էկոնոմիկայի նախարարության պաշտոնական էջում տեղադրվել է առաջին հայացքից սովորական մի հայտարարություն՝ նախարարի տեղակալի թափուր պաշտոն զբաղեցնելու վերաբերյալ: Բայց, քանի որ ներկայիս իշխանությունների մոտ ամեն ինչն է վերածված կրկեսի, հետևաբար, սույն հայտարարությունը ևս չէր կարող զերծ լինել դրանից:

Ուշադրություն դարձրեք պահանջվող անհրաժեշտ մասնագիտական և անձնական հմտությունների 6-րդ կետին, որով ոչ ավել, ոչ պակաս՝ պահանջվում է քաղաքական հայացքների նկարագիր:

Ինչու՞մն է զավեշտը: Նշված պաշտոնը քաղաքական է, և իշխանությունները, սովորաբար, նախարարների տեղակալներին նշանակում են սեփական քաղաքական ուղեգիծն ընդունող, որոշակի ճանապարհ անցած և փորձառություն ունեցող, հետևաբար՝ իշխանություններին քաջ հայտնի և ամենևին ոչ պատահական անձանց: Փաստորեն՝ մարդիկ մերժում են Փաշինյանի գահավիժող իշխանությունը և կտրականապես չեն ուզում աշխատել այս ձախողվածների հետ:

Արդյունքում՝ Փաշինյանը մնացել է «պատահական անցորդների» հույսին և, որպեսզի կանխի իրենց համար ոչ ցանկալի հայացքների տեր անձանց մուտքը նախարարություններ, ստիպված է քաղաքական կողմնորոշման մասին հատուկ կետ մտցնել պահանջվող տվյալների մեջ:

Վ. Սարգսյան