Եթե Նիկոլ Փաշինյանը շուտափույթ ինքնակամ հրաժարական ներկայացնի, ակտիվ քաղաքականությամբ չենք զբաղվի․ Շարմազանով

Ես պաշտոնապես հայտարարում եմ՝ այս պայքարը հանուն պետության է, հանուն հայրենիքի փրկության է, մենք նպատակ չունենք, ցանկություն էլ չունենք գալու իշխանության։ Մենք պատրաստ ենք սատարել վաղվա իշխանությանը, որը պատրաստ է արժանապատիվ պահել ՀՀ և ԱՀ շահերը, որը պատրաստ է չուրանալ, ինչպես սրանք ուրացան, մեր զինվորների արյունը, այս հողատուները։ Այս մասին Ազատության հրապարակում համազգային հանրահավաքին ասել է Էդուարդ Շարմազանովը։

ՀՀԿ խոսնակն ընդգծեց՝ հայրենիքի փրկությունը պետք է սկսվի այս հողատուի, այս դավաճանի հեռացումով։

Շարմազանովը հայտարարեց, որ եթե Նիկոլ Փաշինյանն այսօր և շուտափույթ հրաժարականի ինքնակամ դիմում ներկայացնի, իրենք չեն զբաղվի ակտիվ քաղաքականությամբ, բայց հողատուն պետք է հեռանա, մենք հայրենիք չունենք, որտեղ կա թուրքի առաջ կապիտուլյացիայի ակտ ստորագրած, պարտված ղեկավար։