ՏԵՍԱՆՅՈՒԹ․ Երթով շարժվում ենք տարբեր նախարարություններ՝ հասկանալու ով է կողմ Հայտարարությանը․ Իշխան Սաղաթելյան

Ինչպես նախօրոք հայտարարել էինք՝ այսօրվանից սկսում ենք այցելել տարբեր պետական, գիտական, կրթական հաստատություններ՝ շատ հստակ և ուղիղ պահանջով․ այն Հայտարարության տեքստը, որ ընդունվել է այս հրապարակում, առաջիկա օրերին պետք է շատ հստակ թիրախավորված այցելենք տարբեր պետական հիմնարկներ, և բոլորը պարտավոր են այս փաստաթղթի վերաբերյալ հայտնել իրենց դիրքորոշումը․ ըստ Yerkir.am-ի հայտարարեց ՀՅԴ Հայաստանի ԳՄ ներկայացուցիչ Իշխան Սաղաթելյանը Ֆրանսիայի հրապարակից մեկնարկած երթի մեկնարկին։

«Փաստաթուղթը հրապարակել ենք․ սա հստակ հնարավորություն է, որ բոլորը իրենց դիրքորոշումը հայտնեն այն հայանպաստ փաստաթղթի և մինիմալ պահանջների մասին, որ այսօր դրված է սեղանին»,-ասաց նա։

Սաղաթելյանը տեղեկացրեց, որ երթով շարժվում են տարբեր նախարարություններ, պետական գերատեսչություններ, և ընդդիմադիր պատգամավորները հստակ կդնեն խնդիրը՝ կհասկանանք՝ ով է կիսում այս պատասխանատվությունը, ու ով ինչ դիրքորոշում ունի։

Սա նաև լավ հնարավորություն է շատ պաշտոններ զբաղեցնող անձանց՝ տարանջատվելու Նիկոլից և չկրելու այս պատասխանատվությունը՝ հայտարարեց Իշխան Սաղաթելյանը։

Մանրամասն՝ տեսանյությում․