«Իսլամական պետության» կողմնակիցները ստանձնել են Վիեննայում ահաբեկչության պատասխանատվությունը

«Իսլամական պետություն» ահաբեկչական խմբավորման կողմնակիցները ստանձնել են Վիեննայում ահաբեկչության պատասխանատվությունը։ Ջիհադիստները տեղի ունեցածն անվանել են հաշվեհարդար ԻՊ-ի դեմ ԱՄՆ-ի գլխավորած կոալիցիային Ավստրիայի մասնակցության համար։ Այս մասին Twitter-ում հայտնել է SITE Intelligence group ամերիկյան կազմակերպությունը, որը համացանցում զբաղվում է ահաբեկիչների գործունեությանը հետևելով։

Ըստ Վիեննայի քաղաքապետ Միխայիլ Լյուդվիգի հաղորդած վերջին տվյալների՝ մայրաքաղաքի կենտրոնում հրաձգության զոհ է դարձել 2 մարդ, վիրավորվել՝ 15-ը։

Համաձայն կանցլեր Սեբաստիան Կուրցի տվյալների՝ հարձակվողները եղել են լավ զինված և պատրաստված։ Ուժայինները ոչնչացրել են նրանցից մեկին, քաղաքում հակաահաբեկչական օպերացիան շարունակվում է։