Վոլգոգրադում ահաբեկիչներ են վնասազերծվել

ՌԴ անվտանգության դաշնային ծառայությունը Վոլգոգրադում վնասազերծել է «Քաթիբա Թաուհիդ վալ Ջիհադ» ահաբեկչական կազմակերպության անդամների, որոնք ծագումով Կենտրոնական Ասիայից են և ծրագրում էին ահաբեկչություններ իրականացնել քաղաքում. հայտնում է ՌԻԱ «Նովոստի»-ն:

Ձերբակալման ժամանակ խմբի ղեկավարն ու ահաբեկիչներից մեկը, որոնք փորձում էին ահաբեկչության համար նախատեսված սարքերը դուրս բերել թաքստոցից, զինված դիմադրություն են ցույց տվել ԱԴԾ-ի աշխատակիցներին և արդյունքում՝ չեզոքացվել:

Գրոհայինների խուզարկության ժամանակ առգրավվել է հրազեն, զինամթերք, ինքնաշեն պայքուցիկ սարքերի քիմիական և խոցող բաղադրիչ տարրեր, կրոնական բնույթի գրականություն, նաև Վոլգոգրադի քարտեզը, որին նշված վայրերում նախատեսվել են հարձակումներ:

Ահաբեկիչների գործողությունները համակարգվել են Սիրիայից: Իսլամականները ծրագրում էին պայթեցնել իշանության մարմինների շենքեր, զինծառայողների հանրակացարաններ, վտանգավոր արդյունաբերական օբյեկտներ և Մայր Հայրենիք հուշարձանը:

Ձերբակալություններ են եղել նաև Մոսկվայում, Սանկտ Պետերբուրգում, Ուֆայում և Մայկոպում: