Թանկյանը հետևորդներին խնդրել է Ադրբեջանի ագրեսիան դատապարտելու կոչով դիմել Սպիտակ տանը և Կոնգրեսին

Աշխարհահռչակ ռոք երաժիշտ, System of a down ռոք խմբի մենակատար Սերժ Թանկյանը, որը Հայաստանի և Արցախի համար այս ծանր օրերին աջակցում է իր հայրենակիցներին, դատապարտում Ադրբեջանի կողմից Արցախի դեմ սանձազերծած ռազմական գործողությունները, խնդրել է իր հետևորդներին՝ կոչ անել Սպիտակ տանը և Կոնգրեսին`դատապարտել ագրեսիան:

Թանկյանը «Թվիթերի» իր միկրոբլոգում գրել է. «Մեկ շաբաթ առաջ Արցախի և Հայաստանի ժողովուրդը ապրում էր խաղաղ պայմաններում, իսկ այժմ նրանց հայրենիքը Ադրբեջանի և Թուրքիայի ձեռքով վերածվել է պատերազմի դաշտի: Խնդրում եմ հորդորել Սպիտակ տանը և Կոնգրեսին՝  դատապարտել ագրեսիան»:

Երգիչը ներկայացրել է հետևյալ հղումները՝ marchtojustice.org/action-alerts, petitions.whitehouse.gov/petition/condemn-aggression-turkey-and-azerbaijan-against-artsakh-armenia:

 Ավելի վաղ Սերժ Թանկյանը, հաջակցություն Արցախի, 250 000 դոլար էր փոխանցել «Հայաստան» համահայկական հիմնադրամին: