2900 մետր հեռավորությունից ոչնչացրել է տանկ, խոցել են «Օրբիտեր» տեսակի ԱԹՍ. հերոսական արարումները շարունակվում են

ԱՀ պաշտպանության բանակը շարունակում է ներկայացնել հայ զինվորների սխրագործությունները եւ նրանց ներկայացնում շքանշանների։

«Մեր հերթական հերոսները

Մայոր Նորայր Բաղդասարյանը թշնամական հրետանային մարտկոց ու կայանքներ ոչնչացնելու համար ներկայացվել է «Արիության համար» մեդալի:

Սերժանտ Մանվել Գեւորգյանը, կրտսեր սերժանտ Դավիթ Ղումաշյանը, շարքային Դավիթ Խանազյանն ու շարքային Նարեկ Ղուկասյանը «Մարտական ծառայություն» մեդալներով կպարգեւատրվեն մեկական «Օրբիտեր» տեսակի ԱԹՍ խոցելու համար:

Նույն կարգի մեդալներով կպարգեւատրվեն նաեւ սերժանտ-պայմանագրային Հունան Գասպարյանը, շարքային-պայմանագրային Նարեկ Աբրահամյանն ու շարքային- պայմանագրային Նարեկ Գեւորգյանը, ավելի քան 2900 մետր հեռավորության վրա թշնամական տանկ ոչնչացնելու եւ այլ արդյունավետ գործողությունների համար…:

Հերոսական արարումները ճակատային գծի բոլոր ուղղություններում շարունակվում են»,- հայտնում է ՊԲ-ն։