ՊԲ հատուկ ստորաբաժանումը և «Կամավորական շարժում» ՀԿ-ն բարձունք են վերադարձրել․ ՊՆ ներկայացուցիչ

Երեկ՝ ժամը 14:00-ի սահմաններում, ՊԲ հատուկ նշանակության ստորաբաժանման և «Կամավորական շարժում» ՀԿ-ի ջոկատի ակտիվ մասնակցությամբ, հյուսիսային ուղղությամբ կազմակերպվել է հակագրոհ և հետ է վերադարձվել Վարանգաթաղ (Լուլասազ) կոչվող բարձունքը. ըստ Yerkir.am-ի` տեղեկացրեց ՊՆ ներկայացուցիչ Արծրուն Հովհաննիսյանը։

Նա նշեց, որ ներկա պահին մարտական գործողությունները արցախա-ադրբեջանական հակամարտության գոտում շարունակվում են:

«Կամավորական շարժում» ՀԿ-ն ստեղծվել է Շուշիի առանձին մոտոհրաձգային գումարտակի հենքով։ Սեպտեմբերի 27-ի մարտական գործողությունների սկզբից ի վեր արդեն երկու վաշտ է ուղարկվել մարտական գործողությունների թատերաբեմ՝ շուրջ երկու հարյուր կամավոր։

Նշենք, որ «Կամավորական շարժում» ՀԿ-ն ստեղծվել է 2019 թ.-ին։