Դամասկոսը կարող է հաստատել ահաբեկիչների տեղափոխումը Ղարաբաղ. Ասադ

Սիրիայի նախագահ Բաշար ալ Ասադը ՌԻԱ «Նովոստի»-ին տված հարցազրույցում ասել է, որ «Սիրիայի ազգային բանակ» ահաբեկչական կազմավորման զինյալները տեղափոխվում են Լեռնային Ղարաբաղ, իսկ Դամասկոսը կարող է դա հաստատել:

Երեկ կայքը հաստատել էր, որ Լեռնային Ղարաբաղում սպանվել է Սիրիայից 93 վարձկան, նրանցից 53-ի մարմինները փոխանցվել են իրենց կառույցին: Սիրիական ընդդիմության մեկ այլ աղբյուր ՌԻԱ «Նովոստի»-ին նախապես հայտնել էր, որ հոկտեմբերի 1-ի դրությամբ Ղարաբաղում կան 322 «լավ զինված» սիրիացի վարձկաններ:

«Մենք միանշանակ կարող ենք դա հաստատել, բայց ոչ այն պատճառով, որ ունենք ապացույցներ: Երբեմն ապացույցներ չկան, բայց կան դրա վկայություններ»,- ասել է Ասադը՝ պատասխանելով այն հարցին, թե կարո՞ղ է հաստատել, որ Սիրիայում կռված խմբավորումներից ահաբեկիչները տեղափոխվում են հայ-ադրբեջանական հակամարտության գոտի: