Սահմանամերձ համայնքներին տրվող աջակցության շրջանակը կընդլայնվի. «Ժողովուրդ»

«Ժողովուրդը» գրում է․

Արցախում կատարվող ռազմական գործողություններին զուգահեռ ՀՀ Ազգային ժողովը որոշել է ընդլայնել սահմանամերձ համայնքներին տրվող սոցիալական աջակցության շրջանակը։

Մասնավորապես, «Ժողովուրդ» օրաթերթը տեղեկացավ, որ փոփոխությունների է ենթարկվել «Սահմանամերձ համայնքների սոցիալական աջակցության մասին» օրենքում փոփոխություն և լրացումներ կատարելու մասին օրենքի նախագիծը, որը ներկայացվել է ԱԺ «Իմ քայլը» խմբակցության պատգամավորներ ՍԻսակ Գաբրելյանի և Սիփան Փաշինյանի կողմից։

Մեր տեղեկություններով՝ փոփոխությունը եղել է կառավարության առաջարկությամբ, և վերջիններս նախատեսում են ընդլայնել փոխհատուցման ենթակա ոլորտները, որոնք վնաս են կրել Ադրբեջանի Հանրապետության տարածքից իրականացված ռազմական կամ ահաբեկչական գործողությունների հետևանքով, առաջարկում փոխհատուցում տրամադրել այն անձանց, որոնք խնամել են վերոնշյալ գործողությունների հետևանքով զոհված քաղաքացուն մինչև նրա 18 տարին լրանալը։

Մանրամասները՝թերթի այսօրվա համարում։