ՏԵՍԱՆՅՈՒԹ․ Գործարկվել է Հանրագրերի միասնական էլեկտրոնային հարթակը․ Ավինյան

Գործարկվել է էլեկտրոնային ժողովրդավարության և մասնակցային կառավարման գործիք՝ Հանրագրերի միասնական էլեկտրոնային հարթակ. ըստ Yerkir.am-ի՝ տեղեկացրեց ՀՀ վարչապետի առաջին տեղակալ Տիգրան Ավինյանը կառավարության նիստում։

Այն գործելու է «e․petition.am» կամ «հանրագիր․հայ» դոմեյնների ներքո։ Սա change.org հարթակի հայկական տարբերակն է։

«Հանրագիրը հանրային նշանակություն ունեցող հարցերի վերաբերյալ գրություն է, որի միջոցով մեր քաղաքացիները կարող են ներկայացնել տնտեսական, քաղաքական, սոցիալական և այլ ոլորտների վերաբերող հարցերի կարգավորման կամ գործող իրավակարգավորումների վերաբերյալ առաջարկություններ, կամ էլ՝ կոնկրետ պետական, տեղական ինքնակառավարման մարմինների և պաշտոնատար անձանց գործունեության թերությունների շտկման կամ գործունեության բարելավման մասին հաղորդումներ»,- ասաց Ավինյանը։

Նա վստահեցրեց, որ կառավարությունը հետևելու է մարդկանց առաջարկներին։ Քաղաքացիներն այս հարթակով կարող են էլեկտրոնային եղանակով ներակայացնել անհատական և կոլեկտիվ հանրագրեր ու էլեկտրոնային եղանակով ստանալ պատասխանը։

Մանրամասն՝ տեսանյութում: