«Միասին». Բելառուսում կստեղծվի նոր ընդդիմադիր կուսակցություն

Բելառուսի ԿԸՀ-ի կողմից երկրի նախագահական ընտրություններին մասնակցելու համար մերժում ստացած Վիկտոր Բաբարիկոյի շտաբը հայտարարություն է տարածել առ այն, որ իրենք նոր կուսակցություն կստեղծեն: Այն կկոչվի «Вместе»։ Այս մասին Վիկտոր Բաբարիկոն հայտնել է պաշտոնական յութուբյան ալիքում տեսաուղերձով:

«Բելգազպրոմբանկի» նախկին ղեկավար Բաբարիկոյի խոսքով՝ կուսակցության հիմնական հանձնարարություններն են սահմանադրական բարեփոխումների անցկացումն ու քաղաքացիական նախաձեռնությունների միավորումը։  Նա, մասնավորապես, նշել է. «Եկել է մեր պայքարի շարունակման մասին հայտարարելու ժամանակը, սակայն արդեն ինչ-որ կազմակերպչական ձևով, որի պարագայում հնարավոր է միավորել բոլոր կողմնակիցներին»:

Ի հավելումն՝ Բաբարիկոյի շտաբի ներկայացուցիչ ու ընդդիմության Համակարգող խորհրդի ղեկավար կազմի անդամ Մարիա Կոլեսնիկովան ասել է, որ շատ շուտով կներկայացվեն կուսակցության գրանցման փաստաթղթերը:. «Մենք կձևավորենք նոր, գիտակից և պատասխանատու բելառուսական հասարակություն»,- շեշտել է նա:

Հիշեցնենք՝ «Բելգազպրոմբանկի» նախկին ղեկավարը կալանքի տակ է հունիսի կեսերից: Ենթադրվում է, որ ուղերձը ձայնագրվել է մինչ կալանավորումը։

Առավել մանրամասն՝ տեսանյութում: