Times. Մեծ Բրիտանիան ծրագրում է հրաժարվել տանկերից

Պարբերականի տեղեկություններով՝ երկրի կառավարությունը հետաքննում է նման հնարավորությունը՝ պայմանավորված Challenger 2 տանկի և բրիտանական զինված ուժերի Warrior հետևակային մարտական մեքենաների արդիականացման թանկացմամբ, որոնք անցյալ տարի հայտարարվել էին հնացած: Մեծ Բրիտանիայի պաշտպանության նախարարությունը կարծում է, որ պատերազմի փոփոխվող բնույթը պահանջում է մեծ ներդրումներ կիբերսպառազինության, տիեզերքի և այլ առաջադեմ տեխնոլոգիաների ոլորտում. գրում է թերթը:

Տանկերից հրաժարվելու վերաբերյալ քննարկումը, ըստ հաղորդման, արտաքին քաղաքականության, պաշտպանության և անվտանգության ոլորտի կառավարության վերանայման մաս է կազմում, որը կկայանա նոյեմբերին:

«Թեև դեռ կա հնարավորություն Challenger 2-ը թարմացնելու կամ Գերմանիայից Leopard 2 տանկ գնելու մասին, Մեծ Բրիտանիան արդեն իսկ փնտրում է ՆԱՏՕ-ի գործընկերների կարծիքը ծանր զրահատեխնիկաից հրաժարվելու և դաշինքի մեջ իր ռազմական ներդրումը վերանայելու առաջարկի վերաբերյալ», - գրում է թերթը:

Նոր առաջարկի համաձայն՝ Մեծ Բրիտանիան կկենտրոնանա օդուժի հզորացման ուղղությամբ։