Էրդողանը հայտարարել է, որ ուրբաթ օրը կհայտարարի լավ նորությունների մասին, որոնցով նոր ժամանակներ կսկսեն Թուրքիայի համար

Օգոստոսի 19-ին Թուրքիայի նախագահ Ռեջեփ Թայիփ Էրդողանն իր ելույթում հայտարարել է, որ ուրբաթ օրը նա լավ լուրեր կհաղորդի, որով նոր դարաշրջան կբացվի Թուրքիայի համար:

Էրդողանի հայտարարությունից հետո, թուրքական ԶԼՄ-ները հրապարակեցին իշխանություններին մոտ աղբյուրներից ստացված տեղեկությունները, ըստ որոնց՝ Էրդողանի լավ լուրը վերաբերում է էներգետիկ ռեսուրսների բացահայտմանը:

Այնուամենայնիվ, չի նշվում, թե որտեղ են գտնվել այդ ռեսուրսները՝ Միջերկրական ծովում թե Սև ծովում:

Թուրքական մամուլը նշում է, որ այդ նորությունը կարող է լինել անգամ կորոնավիրուսի դեմ պատվաստանյութի հայտնաբերումը և Հյուսիսային Կիպրոսում «երկրորդ Սինգապուրի» ստեղծումը: