Պայթյունի պահին նոր ծնված երեխան բժշկի գրկում. Բեյրութ

Ֆեյսբուքյան օգտատեր Ավետիս Սանգիգյանը լուսանկար է հրապարակել և գրել. «պայդումի պահուն նոր ծնած երեխեն վիրաւոր բըժիշկին քըրկում»:

Նշենք, որ նախօրեին Բեյրութում տեղի ունեցած պայթյունի հետևանքով, որը փորձագետները համեմատել են 4.5 բալ ուժգնությամբ երկրաշարժի հետ, առնվազն 135 մարդ է մահացել, 5000 մարդ վնասվածքներ է ստացել, մոտ 250 000 մարդ անօթեւան է մնացել։

Զոհերի թվում նաև հայ կա, նրաց մի մասի անուններն արդեն հայտնի են.

Նազար Նաջարյան, Ջեսիկա Բեզջյան, Դելիա Փափազյան, Ժակ Բարամագյան, Անահիտ Բերբերյան, Լիզա Գավուքջեան-Գոզուբոյուկյան, Վարուժան Թոսունյան, Գայա Ֆոտուլյան, Սարգիս Թեքիրյան:

Կան նաեւ անհետ կորած հայեր, որոնցից թե՛ հարազատները, թե՛ իրավապահները դեռեւս ոչ մի տեղեկություն չունեն: