Գիտության զարկերակն Արցախում (ԱԵԳՄՄ-ն 5 տարեկան է)

«ԳԻՏՈՒԹՅԱՆ ԶԱՐԿԵՐԱԿՆ ԱՐՑԱԽՈՒՄ» ֆիլմը պատմում է Արցախում ակտիվ գործունեություն ծավալող «Արցախի երիտասարդ գիտնականների եւ մասնագետների միավորում» (ԱԵԳՄՄ) հասարակական կազմակերպության 5-ամյա գործունեության մասին: Առաջնորդվելով «ԳԻՏԵԼԻՔՆ ՈՒԺ Է» կարգախոսով `անցած 5 տարիների ընթացքում Կազմակերպության նախաձեռնությամբ իրականացվել են 4 տասնյակից ավելի գիտակրթական եւ ռազմահայրենասիրական ծրագրեր, որոնցից առնվազն երեքն ունեն միջազգային ճանաչում եւ կրում են շարունակական բնույթ:

Դրանք են`

1. «ՀԱՅՈՑ ՊԵՏԱԿԱՆՈՒԹՅԱՆ ԱՆՑՅԱԼԸ, ՆԵՐԿԱՆ ՈՒ ԱՊԱԳԱՆ»ամենամյա միջազգային գիտաժողովը Ստեփանակերտում,

2. «ԱՐՑԱԽԻ ԷԼԵԿՏՐՈՆԱՅԻՆ ԳՐԱԴԱՐԱՆ» կայքը (www.artsakhlib.am ),

3. «ԳԻՏԱԿԱՆ ԱՐՑԱԽ» պարբերականը:

ԱԵԳՄՄ-ի 5-ամյա գործունեության արդյունքում հիմնադրվել է «Արցախ» գիտահետազոտական ինստիտուտը, որի առաքելությունն է «զարգացնել գիտությունն Արցախում, արդյունքները ներդնել երկրի կենսագործունեության համար ռազմավարական նշանակություն ունեցող բնագավառներում, ամրապնդելով հայոց պետականությունը, եւ գիտության դիվանագիտության միջոցով նպաստել Արցախի Հանրապետության ճանաչելիության բարձացմանն ու միջազգային ճանաչմանը»: