Հայ-ադրբեջանական «բանաձեւային» պատերազմը ԱՄՆ Կոնգրեսում հասնում է իր բարձրակետին. քաղաքագետ

Հայ-ադրբեջանական «բանաձեւային» պատերազմը ԱՄՆ Կոնգրեսում հասնում է իր բարձրակետին: Այս մասին Facebook-ի իր էջում գրել է քաղաքագետ Սուրեն Սարգսյանը:

Նա, մասնավորապես, նշել է. «Քանի հայ-ադրբեջանական սահմանին հայկական բանակը ամրապնդում է իր դիրքերը, հայ-ադրբեջանական լոբիստական իսկական պատերազմ է ընթանում Կոնգրեսում` դիրքեր ամրապնդելու համար: Բյուջետային հատկացումբերի ֆոնին մի շարք բանաձեւեր են բերվում օրակարգ:

Այս պահին ունենք հետեւյալ վիճակը:

1. Մեր կողմից բերված` Ֆ. Փալլոնի բանաձեւն ընդունվել է (Ադրբեջանին տրամադրվող ռազմական օգնության հրապարակայնություն) Ջ. Սփիերի բերած բանաձեւը կքվեարկվի մոտ օրերս (Արցախի ականազերծում):

3. Ադրբեջանցիների բերած 3 բանաձեւերից մեկը մերժվել է (Քոհենի բանաձեւը Արցախի օգնության արգելքի մասին), երկրորդը հեղինակի կողմից հանվել է շրջանառությունից (Քուելարի` անուղղակիորեն Արցախին նկատի առնվող բանաձեւ): Եվ 3-րդ ամենահակահայկական բանաձեւն ընդունվել եւ ուղարկվել է Սենատ:

Պետք է նշեմ հայ համայնքի բացառիկ ակտիվության մասին Կոնգրեսականներին զանգելու եւ ճնշում գործադրելու հարցում, որը արդյունք է տվել եւ լոբիստների բացառիկ կազմակերպչական տաղանդի մասին, որ այս օրերին հրաշալի կիրառվել է:

Ինչպես հասկանում եք, պատերազմը բոլոր ֆրոնտերով շարունակվում է: