Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 4 տարի առաջ - 2020-07-22 20:57
Սփյուռք

Արցախի հետ Բելգիայի ֆրանսախոս բարեկամության խումբը դատապարտել է Ադրբեջանի ռազմական ագրեսիան

Արցախի հետ Բելգիայի ֆրանսախոս բարեկամության խումբը դատապարտել է Ադրբեջանի ռազմական ագրեսիան
22 հուլիս, 2020 – Բրյուսել 

Արցախի հետ Բելգիայի ֆրանսախոս բարեկամության խմբի անդամները հանդես են եկել հայտարարությամբ հայ-ադրբեջանական սահմանին իրավիճակի սրացման առնչությամբ: 
 
Հստակ մատնանշելով, որ սահմանային իրավիճակի սրացումը ադրբեջանական սադրանքի հետևանք է՝ բարեկամության խմբի անդամները չափազանց մտահոգիչ են համարել Բաքվում՝ Հայաստանի դեմ պատերազմելու կոչերով զանգվածային ցույցերը: Նրանք նաև կոչ են արել Ադրբեջանին ընդունել ԵԱՀԿ Մինսկի խմբի հրադադարի խախտումների հետաքննության մեխանիզմը։ 
 
Մեկնաբանելով Արցախի հետ Բելգիայի ֆրանսախոս բարեկամության խմբի անդամների հայտարարությունը՝ ՀՅԴ Եվրոպայի Հայ դատի հանձնախմբի նախագահ Գասպար Կարապետեանը նշեց. «Ադրբեջանի իշխանությունները պետք է վերջապես հասկանան, որ Հայաստանի և աշխարհասփյուռ հայության  հետ ուժի լեզվով խոսելը դատապարտված է ձախողման։  Ուժեղ ենք նաև նրանով, որ մեր կողքին ունենք արդարության ջատագովներ, մարդիկ, որոնց համար սկզբունքն ավելի կարևոր է, քան կարճաժամկետ քաղաքական շահը»։ 
 
Նշենք, որ բարեկամության խումբը կազմված է տարբեր կուսակցություններ ներկայացնող Բելգիայի դաշնային և շրջանային խորհրդարանների ներկա և նախկին պատգամավորներից, մի շարք քաղաքների ավագանու անդամներից և քաղաքապետերից, ինչպես նաև դասախոսներից և հասարակական գործիչներից:
 
Ստորև ներկայացնում ենք Արցախի հետ Բելգիայի ֆրանսախոս բարեկամության խմբի հայտարարության  թարգմանությունը՝
 
Արդբեջանը պետք է ընդունի ԵԱՀԿ հրադադարի խախտումների հետաքննության մեխանիզմը
 
Մենք խորապես մտահոգված ենք հայ-ադրբեջանական սահմանին տիրող սրված իրավիճակով, որը 2020 թվականի հուլիսի 12-ին Հայաստանի հյուսիսարևելյան Տավուշի մարզում ադրբեջանական ռազմական սադրանքի հետևանք է: Այն արդեն հանգեցրել է ողբերգական մարդկային կորստների՝ երկու կողմերից:

Բաքվում՝ Հայաստանի դեմ պատերազմելու կոչերով զանգվածային ցույցերը չափազանց մտահոգիչ են: Ուստի անհրաժեշտ է վերադառնալ բանակցային գործընթացին  և անցնել անկեղծ  երկխոսության: Պետք է նաև վերջ տալ պատերազմապաշտական հռետորաբանությանը ու ատելության խոսքին, որը հատկապես ուժգին է Ադրբեջանում:

Կցանկանայինք նաև շեշտել վստահության ամրապնդման միջոցների կիրառման անհրաժեշտությունը, մասնավորապես ԵԱՀԿ Մինսկի խմբի առաջ քաշած  առաջարկները, ինչպիսիք են՝ դիպուկահարների դուրս բերումը շփման գծից, հրադադարի խախտումների հետաքննության մեխանիզմի կիրառումը և ԵԱՀԿ դիտորդների դերի ընդլայնումը:

Ադրբեջանը պետք է հետևի Հայաստանի օրինակին, որն արդեն ընդունել է այս միջոցները և  կիրառի դրանք: Արցախյան հակամարտության խաղաղ լուծման համար այլընտրանք չի կարող լինել:
 
20 Հուլիս 2020

André du Bus, Coordinateur du Cercle d’Amitié                             
Marie Lecocq, Députée bruxelloise                
Pr. Bernard Coulie, Ancien recteur de l’UCL
Georges Dallemagne, Député fédéral                        
Zoé Genot, Députée bruxelloise                                             
Serge de Patoul, Parlementaire honoraire
Emmanuel De Bock, Député bruxellois  
Pierre Kompany, Député bruxellois, Bourgmestre
Julie de Groote, Parlementaire honoraire                     
Josy Dubié, Parlementaire honoraire         
Hervé Doyen, Bourgmestre - Parlementaire honoraire
Fatoumata Sidibé, Parlementaire honoraire
Simone Susskind, Parlementaire honoraire                           
Jean-Claude Defossé, Parlementaire honoraire
բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը