ՏԵՍԱՆՅՈՒԹ․ Սևանի «ծաղկման» պատճառը սնուցող նյութերն են․ Գայանե Շահնազարյան

Սևանա լիճը սկսել է «ծաղկել» հուլիսի սկզբին և կդադարի օգոստոսի 20-ին մոտ՝ ըստ Yerkir.am-ի հայտարարեց ՀՀ շրջակա միջավայրի նախարարության «Հիդրոօդերևութաբանության և մոնիթորինիգի կենտրոնի» տնօրենի տեղակալ Գայանե Շահնազարյանը մամուլի ասուլիսում։

Նա նկատեց, որ Սևանը «ծաղկում» է սկսած 2018 թ-ից․ ամեն տարի հունիսի կեսերից սկսվում է  ինտենսիվ փուլը, ապա 3 շաբաթից՝ քայքայման շրջանը, այս տարի մի փոքր ուշացել է։

Գայանե Շահնազարյանի խոսքով՝ Սևանի կանաչելը հետևանք է նախորդ դարից սկսած՝ Սևանա լճի մակարդակի իջեցման, որի պատճառով խախտվել է էկոհամակարգի հավասարակշռությունը։ Տարիների ընթացքում կուտարկվել է սնուցող նյութերի մեծ  քանակություն, որն էլ հանգեցնում է այսպիսի բացասական հետևանքի։

«Դրանց գոյության պատճառը ամբողջ ջրահավաք ավազանի կոմունալ-կենցաղային կեղտաջրերն են, որ չմաքրված լցվում են Սևան։ 1929 թ-ին լիճ թափվող ջրերի ազոտային միացությունների քանակություններն ավելի ցածր էին, բայց գյուղատնտեսության զարգացման հետ այսօր 10 անգամ բարձր է նիտրատի և սնուցող այլ նյութերի պարունակությունը»,-ասաց Գայանե Շահնազարյանը։

Հաջորդ պատճառը անմիջապես գոտում գտնվող հյուրատների առատութունն է․ Շրջակա միջավայրի նախարարությունը պարտավորեցրել է, որ բոլոր օբյեկտները ունենան սեպտիկ հորեր և մաքրման կայաններ։

Հաջորդը ջրածածկ տարածքներն են, որ նույնպես սնուցող նյութերի աղբյուր են։

Գայանե Շահնազարյանը վստահեցրեց, որ սնուցող նյութերը նվազեցնելու ուղղությամբ աշխատանք է տարվում։

Մանրամասն՝ տեսանյութում․