Ինչո՞ւ էին ոստիկանները բերման ենթարկում երիտասարդ աղջկան. Ոստիկանությունը տեսանյութ է հրապարակել

Ոստիկանները Հյուսիսային պողոտայից երիտասարդ աղջկան բերման են ենթարկել՝ ոստիկանների պահանջը չկատարելու, անձը հաստատող փաստաթուղթ չներկայացնելու համար։ Քիչ առաջ Ոստիկանությունն այդ մասին տեսանյութ է հրապարակել։

«20 հազար դրամի տուգանք ինձ չեք գրելու»,- ասաց աղջիկը։

Ոստիկանը հարցրեց, թե ինչո՞ւ է ինքը գնում, իրեն ասե՞լ են, որ գնա, երիտասարդ աղջիկը պատասխանեց. «Ես պատրաստվում եմ գնալ, որովհետեւ օրենքն արհամարհած ունեմ»։

Ոստիկանը խնդրեց ներկայացնել անձն հաստատող փաստաթուղթ, նա ասաց՝ չունի անձնագիր։

Այդ զրույցից հետո ոստիկանները նրան բերման են ենթարկում։

Ավելի վաղ տեղեկացրել էինք, որ Հյուսիսային պողոտայում ոստիկանները բերման են ենթարկում երիտասարդ աղջկա: