Նշվել է Պաղեստինի տարածքների բռնակցման մեկնարկի ամսաթիվը

Իսրայելի կողմից Պաղեստինյան տարածքների`Հորդանան գետի Արևմտյան ափը բռնակցելու սկիզբը նախատեսված է հուլիսի 26-30-ը: Նման ժամկետի մասին հայտարարել է  Պաղեստինի ազատագրման կազմակերպության գործադիր կոմիտեի անդամ, Պաղեստինի ժողովրդական ճակատի գլխավոր քարտուղար Ահմեդ ալ-Մաջդալանին. հայտնում է ՌԻԱ Նովոստին:

«Վերջին տեղեկությունների համաձայն, Իսրայելի կողմից Պաղեստինի տարածքների բռնակցման գործնական քայլերը կարող են սկսվել հուլիսի 26-30-ը: Մենք, իհարկե, որպես պետություն, դեմ ենք հանդես գալու», - ասել է Ալ-Մաջդալանը:

Քաղաքական գործիչը նշել է, որ Պաղեստինը պատրաստ է բանակցությունների՝ խաղաղության հասնելու համար՝ Մերձավոր Արևելքի քառյակի շրջանակներում և չի գնա որևէ զիջման այսպես կոչված «դարի գործարքի» հարցում: