ՌԴ-ում Սահմանադրության մեջ փոփոխություններին կողմ է քվեարկել ընտրողների 77․92 տոկոսը

Համառուսաստանյան քվեարկությանը Ռուսաստանի Դաշնության Սահմանադրության փոփոխություններին աջակցել է ընտրողների 77․92 տոկոսը. այս մասն գրում է ՏԱՍՍ-ը՝ վկայակոչելով ՌԴ Կենտրոնական ընտրական հանձնաժողովի (ԿԸՀ) տվյալները։ 

Ըստ ԿԸՀ տեղեկատվական կենտրոնում էկրանին հրապարակված տվյալների՝ քվեարկածների 21.27 տոկոսը դեմ է հանդես եկել սահմանադրական փոփոխություններին: Ընդհանուր մասնակցությունը, ըստ վերջին տվյալների, 65 տոկոս է կազմել:

Հիշեցնենք՝ Ռուսաստանի Դաշնության Սահմանադրության մեջ փոփոխություններ կատարելու վերաբերյալ համառուսաստանյան քվեարկությունը Ռուսաստանի ամբողջ տարածքում ավարտվեց չորեքշաբթի օրը Մոսկվայի ժամանակով 21:00-ին: Քվեարկության հիմնական օրը հուլիսի 1-ն է, բայց ռուսաստանցիները կարող էին քվեարկել նաեւ հունիսի 25-ից 30-ը: Դա արվել էր կորոնավիրուսային վարակի տարածմանը հակազդելու համար: Ձայների հաշվարկն իրականացվում էր քվեարկության բոլոր յոթ օրերի ընթացքում:

Ըստ օրենքի՝ որպեսզի փոփոխություններն ուժի մեջ մտնեն, դրանց պետք է կողմ լինի քվեարկությանը մասնակցածների կեսից ավելին, ընդ որում, մասնակցության շեմ չի սահմանվել։