ՏԵՍԱՆՅՈՒԹ․ Համագործակցությունը որևէ քաղաքական ուժի հետ չի նշանակում միաձուլվել․ Իշխան Սաղաթելյան

Դաշնակցությունը ունի իր սեփական դիմագիծը և մենք երբեք չենք կարող նույնանալ որևէ մեկի հետ՝ ըստ Yerkir.am-ի հայտարարեց ՀՅԴ Հայաստանի ԳՄ ներկայացուցիչ Իշխան Սաղաթելյանը «Ազատություն» ռադիոկայանի ֆեյսբուքյան ասուլիսում պատասխանելով այլ գաղափարախոսություններ կրող ուժերի հետ համագործակցության մասին հարցին։

«Համագործակցությունը որևէ քաղաքական ուժի հետ չի նշանակում միաձուլվել և հրաժարվել սեփական արժեքներից, ծրագրերից, տեսակետից կամ ինքնուրույն օրակարգից։ Մենք տարբեր ժամանակաշրջաններում տարբեր քաղաքական ուժերի հետ տարբեր օրակարգերով համագործակցել ենք, բայց մշտապես պահել ենք մեր ինքնուրույնությունը»,-ասաց նա։

Իշխան Սաղաթելյանը նկատեց, որ վերջին 30 տարվա մեջ բոլոր ընտրություններին Դաշնակցությունը մասնակցել է ինքնուրույն, որևէ մեկի հետ դաշինքի չի գնացել և ՀՀ քաղաքացիներին տրվել է հնարավորություն՝ քվեն տալ Դաշնակցությանը։  

Մանրամասն՝ տեսանյութում․