Իտալիան արգելել է ձեռքի ուղեբեռ տեղափոխել ինքնաթիռներում

Իտալիայի իշխանությունները հայտարարություն են տարածել առ այն, որ արգելվում է ձեռքի ուղեբեռ տեղափոխել բոլոր ազգային և միջազգային չվերթների ժամանակ. այս մասին  Корреспондент-ը, նշելով՝ Քաղաքացիական ավիացիայի ազգային վարչությունը հայտարարել է, որ արգելում է ինքնաթիռի սրահի դարակներն օգտագործելը ցանկացած տեսակի ուղեբեռի համար:

Հավելվում է՝ փոքր պայուսակները և առարկաները, որոնք հնարավոր է դնել նստարանի կողքին՝ ձեռքի տակ, թույլատրվում են:

ԶԼՄ-ի հաղորդմամբ՝ այս միջոցառումն ուղղված է վայրէջքի և թռիչքի մեկնարկի ժամանակ միջանցքներում մարդկանց կուտակումները բացառելու համար, քանի որ կառավարությունը ձգտում է սահմանափակել «Կովիդ-19»-ի տարածման վտանգը:   

Ուղևորներն այսուհետ ստիպված կլինեն ձեռքի ուղեբեռը թողնել օդանավի բեռնախցիկում ու այդպիսով հավելյալ գումար վճարել ուղեբեռը հանձնելու համար: