Իլյա 2-րդի նկարը կտեղադրվի արտերկրից Վրաստանի քաղաքացիներին հայրենիք բերող բոլոր ինքնաթիռներում. «Ալիք Մեդիա»

Georgian Airways-ի տնօրեն Ռոման Բոկերիայի խոսքերով Զատկի տոնին հատուկ չվերթով Իսրայելից կրակ կբերվի և երկիր կվերադառնան այնտեղ մնացած Վրաստանի քաղաքացիները: Այս մասին գրում է «Ալիք Մեդիան»:

Բոկերիայի խոսքով, այսօրվանից՝ ապրիլի 7-ից, Georgian Airways-ի օդանավերը Եվրոպայում մնացած Վրաստանի քաղաքացիներին վերադարձնելու չվերթները կիրականացնեն պատրիարքի նվիրած նկարով:

«Պատրիարքի նվիրած նկարը կտեղադրվի բորտում և կթռչի բոլոր չվերթների հետ, որոնցով վերադառնում են Վրաստանի քաղաքացիները: Ապրիլի 19-ին Զատկի կրակը բերելու համար մեզ հետ կլինի երկու հոգևորական, կբերենք կրակը և Իսրայելում մնացած մեր քաղաքացիներին»,- հայտարարել է Բոկերիան:

Georgian Airways-ի օդանավերը Եվրոպայում մնացած Վրաստանի քաղաքացիներին վերադարձնելու չվերթները կիրականացնեն պատրիարքի նվիրած նկարով: