USCIRF- ը դատապարտել է թուրքական ագրեսիան Սինջարում

ԱՄՆ-ի Միջազգային կրոնական ազատությունների հանձնաժողովը (USCIRF) դատապարտել է Թուրքիայի օդուժի հարձակումները Սինջարի ուղղությամբ և կոչ է արել երկրի իշխանություններին դադարեցնել ագրեսիան. հայտնում է ezidi.news պորտալը:

«USCIRF- ը կոչ է անում Թուրքիային անհապաղ դադարեցնել օդային հարվածները Սինջար քաղաքում և դուրս բերել ցամաքային զորքերը, որոնք նպաստում են բռնություններին արդեն փխրուն տարածաշրջանում: Այս գործողությունները մասնավորապես սպառնում են հարյուրավոր տուժած եզդի ընտանիքների, որոնք փորձում են վերադառնալ Սինջար և Հյուսիսային Իրաքի այլ խաղաղ բնակիչների: Ոչ ոք արժանի չէ, որպեսզի վտանգվի ՆԱՏՕ-ի դաշնակցի կողմից», - հայտարարել է USCIRF- ի նախագահ Գեյն Մանչինը:

Հիշեցնենք, որ հունիսի 15-ին Թուրքիան Իրաքի հյուսիսում նախաձեռնել էր «Ճանկ-վագր» գործողությունը՝ ուղղված Քուրդիստանի աշխատավորական կուսակցության դեմ։ Քննադատությունների արժանացած գործողության ընթացքում թուրքերը ռմբակոծում են նաև խաղաղ բնակիչների բնակավայրերը՝ այդ թվում եզդիական Սինջարը։

Հունիսի սկզբին ավելի քան 200 եզդի ընտանիքներ վերադարձել էին Սինջար՝ ավելի քան վեց տարի փախստականների ճամբարներում անցկացնելուց հետո, սակայն թուրքերը կրկին սպառնալիք են ստեղծում եզդիների կյանքի և անվտանգության համար: