Ավստրիայի նախկին կանցլերը զրկվել է վարորդական իրավունքից. պատճառը հարբած վիճակում մեքենա վարելն է

Ավստրիայի նախկին կանցլեր Բրիջիթ Բիրլայնը զրկվել է վարորդական իրավունքից՝ մեքենան հարբած վիճակում վարելու հետևանքով. այս մասին գրում է Kronen Zeitung-ը:

Նշվում է՝ նախկին պաշտոնյան ընկերների հետ հանգստացել է ռեստորանում, իսկ տունդարձի ճանապարհին նրան կանգնեցրել է ոստիկանությունը: Ստուգման արդյունքում պարզ է դարձել, որ քաղաքական գործչի արյան մեջ ալկոհոլի պարունակությունը հասնում է 0.8 պրոմիլի:

Ավելի ուշ Բիրլայնը ներողություն է խնդրել կատարվածի համար ու ասել, որ իր պահվածքը օրինակ ծառայելուն չի համապատասխանում:

Հիշեցնենք՝ Բիրլայնը ծնվել է 1949 թ.-ին: Նա աշխատել է որպես փաստաբան, այնուհետև աշխատել է Ավստրիայի Սահմանադրական դատարանում: Նա կանցլեր է եղել 2019-ի հունիսից մինչև 2020-ի հունվարը՝ դառնալով այդ պաշտոնը զբաղեցնող առաջին կինը: