Արևմուտքը նախկին ԽՍՀՄ երկրներում կազմակերպում է «գունավոր հեղափոխություններ». Պատրուշև

Ռուսաստանում «գունավոր հեղաշրջումը» Արևմուտքի ռազմավարական նպատակն է, որը զբաղվում է «հեղափոխությունների արտահանումով» դեպի նախկին ԽՍՀՄ երկրներ. այս մասին հայտարարել է Ռուսաստանի Դաշնության Անվտանգության խորհրդի քարտուղար Նիկոլայ Պատրուշևը. հայտնում է ՌԻԱ Նովոստին:

«Փաստարկներ և փաստեր» թերթին տված հարցազրույցում Պատրուշևը խոսել է այն մասին, թե ինչպես է Արևմուտքը փորձում ապակայունացնել Ռուսաստանում տիրող հասարակական-քաղաքական իրավիճակը:

Նա անդրադարձել է այն մեխանիզմներին, որոնց միջոցով արևմտյան ուժերը հեղաշրջում են պատրաստում այն պետություններում, որոնք նախկինում Խորհրդային Միության մաս էին կազմում:

Այդտեղ Արևմուտքը ապավինում է այն մարդկանց, ովքեր ԽՍՀՄ փլուզումից հետո գիտակցական կյանք են մտել և, հետևաբար, չունեին անձնական գաղափարներ և իրական գիտելիքներ Խորհրդային Միության մասին, նշել է Պատրուշևը: