Հռոմի պապ Ֆրանցիսկոս. շուտ է ուրախանալ վիրուսի դեմ տարած հաղթանակի համար

Հռոմի Պապ Ֆրանցիսկոսը, պատշգամբից դիմելով ոչ մեծ ամբոխի, որը հավաքվել էր Վատիկանի Սուրբ Պետրոսի տաճարի հրապարակու, հավատացյալներին հորդորել է պահպանել անվտանգության նախազգուշական միջոցառումները և չուրախանալ ժամանակից շուտ:

«Մենք դեռ պետք է պահպանենք սահմանված կանոնները, քանի որ դրանք կօգնեն մեզ խուսափել վիրուսի նոր բռնկման հավանականությունից», - ասել է Հռոմի պապը. հայտնում է BBC-ն:

Ավելի վաղ, Վատիկանի Սուրբ Աթոռի մամուլի ծառայությունը հաղորդել էր, որ Վատիկանում չի մնացել COVID-19 հիվանդության ոչ մի դեպք:

Նշենք, որ Իտալիան մտել է կորոնավիրուսի դեմ պայքարի վերջին փուլ և թույլ է տվել, որ իր քաղաքացիները ճանապարհորդեն երկրով մեկ և բացեն սահմանները մի շարք երկրների համար: Վերագործարկվել են խանութները, սրճարանները և ռեստորանները, ինչպես նաև տուրիստական տեսարժան վայրերը: