|
Փոխարժեքներ
17 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Բրազիլիայի Առողջապահության նախարար Նելսոն Թեյչը հրաժարական է տվել: Թեյչն այս պաշտոնին նշանակվել էր գրեթե մեկ ամիս առաջ, այն բանից հետո, երբ երկրի նախագահ Ժաիր Բոլսոնարուն պաշտոնից հեռացրել էր նախորդ նախարարին կորոնավիրուսի դեմ պայքարի հարցում ունեցած տարաձայնությունների պատճառով. հայտնում է Reuters լրատվական գործակալությունը:
Նախարար Թեյչը չի նշել իր հրաժարականի պատճառները, սակայն, ըստ երևույթին, դրանք կրկին կապված են նախագահի հետ ունեցած տարաձայնությունների հետ: Բանն այն է, որ նախարարը դեմ էր մալարիայի դեմ կիրառվող «Քլորիքին» դեղամիջոցը կորոնավիրուսով վարակված հիվանդներին բուժելու համար օգտագործելու նախագահի որոշմանը:
Նոր տեսակի կորոնավիրուսը բավականին արագ է տարածվում Բրազիլիայում: Այստեղ մինչ օրս գրանցվել է վարակման ավելի քան 220 հազար դեպք, որից գրեթե 15 հազարը մահվան ելքով:
Երկրի նախագահը ցանկանում է արագ բացել երկրի սահմանները՝ նշելով, որ վիրուսը վտանգավոր չէ բնակչության մեծ մասի համար: