Լատվիայի Սեյմը մտադիր է ճանաչել Հայոց ցեղասպանությունը

Լատվիայի խորհրդարանը մտադիր է Հայոց ցեղասպանությունը ճանաչող բանաձև ընդունել, դրանով իրենց համերաշխությունը հայտնելով այն փոքր ժողովուրդներին, ովքեր 20-րդ դարում ողբերգություն են ապրել՝ ենթադրելով նաև Լատվիայից 1940-49 թթ. տեղահանությունը. հայտնում է Infoteka24.ru կայքը։

«Մեզ համար կարևոր է համերաշխություն հայտնել այլ փոքր ազգերին, ովքեր 20-րդ դարում ողբերգություն են ապրել, ինչպիսիք են մասսայական սպանությունները, վայրագությունները», - նշել է «Հանուն զարգացման - Այո» կուսակցության փոխնախագահ Դանիելս Պավլյուտոսը։

Սակայն, եթե Օսմանյան կայսրությունում տեղի ունեցած Հայոց ցեղասպանությունը ուներ ազգային-կրոնական դրդապատճառներ, ապա Լատվիայում տեղի ունեցած իրադարձությունները պայմանավորված էին դասակարգային պայքարով և չի կարելի նույն հարթության վրա դնել երկու իրադարձությունները։

Հիշեցնենք, որ մերձբալթյան երկրներից միայն Լիտվան է ճանաչել Հայոց ցեղասպանությունը։