Հարավային Օսեթիայում հաստատվել է կորոնավիրուսով վարակման առաջինը դեպքը

Կորոնավիրուսով վարակման առաջին դեպքն է գրանցվել Հարավային Օսեթիայում. «Վարակված անձը բացահայտվել է կարանտինի ժամանակ և այժմ մեկուսացվել է», - «ՏԱՍՍ» գործակալությանը հայտնում են երկրում ստեղծված օպերատիվ շտաբից։

Հարավային Օսեթիայի Նախարարների կաբինետը ավելի վաղ երկարաձգել էր կորոնավիրուսով պայմանավորված սահմանափակման միջոցառումները մինչև մայիսի 11-ը, ինչպես նաև փակել Ռուսաստանի հետ «Ռուկ» սահմանային անցակետը մինչև մայիսի 31-ը։

Երկրում կորոնավիրուսի կանխարգելման միջոցառումների շրջանակում արդեն փակվել էր Վրաստանի հետ սահմանը, ինչպես նաև արգելվել մշակութային, մասսայական միջոցառումները, հարսանիքները, փակվել դպրոցները։