Թուրքիան Թունիսում ռազմաբազա է կառուցում՝ ահաբեկիչներին աջակցելու համար

Թուրքիան օգտագործում է Թունիսը սեփական զորքերի համար նյութատեխնիկական բազա ստեղծելու և ահաբեկչական խմբավորումների տեղակայման վայրերը փոխելու համար։ Այս մասին հայտարարել է Թունիսի Ներկայացուցիչների պալատի անդամ Սաիդ Ամուգհիբը. հայտնում է «ՌԻԱՖԱՆ» գործակալությունը։

Ամուգհիբը ուշադրություն է հրավիրել այն փաստի վրա, որ Թուրքիայի և Թունիսի նախագահներ Ռեջեփ Թայիփ Էրդողանը և Քաիս Սաիդը համաձայնություն են ձեռք բերել Անկարայի կողմից թունիսյան հողերի, այդ թվում ռազմաբազաների օգտագործման վերաբերյալ։ Այդ համաձայնությունը թույլ կտա Թուրքիայի ԶՈՒ-ին և ահաբեկիչներին անարգել շարժվել Թունիսի տարածքով, ինչպես նաև իրականացնել զինամթերքի և զրահատեխնիկայի ներկրումներ։

Պաշտոնյան նաև հավելել է, որ Թունիսի համապատասխան դիրքորոշումը բացասական կանդրադառնա Լիբիայի հետ հարաբերությունների վրա։ Ըստ նրա՝ թունիսցի ժողովուրդը արդեն պետք է իր դիրքորոշումը հայտնի իշխանությունների գործողությունների վերաբերյալ՝ չմոռանալով Լիբիայի և Թունիսի եղբայրական և բարեկամական հարաբերությունների մասին։

Ավելի վաղ հայտնի էր դարձել, որ Թունիսի «Արմադա» ավիաբազայից Լիբիայի ուղղությամբ թուրքական մի քանի ԱԹՍ-ներ են թռչել։