Թուրքիան Սիրիայում կռվող ահաբեկիչների նոր խումբ է ուղարկել Լիբիա

Թուրքիան շարունակում է զինել և ռազմական օգնություն ուղարկել Լիբիայի մայրաքաղաք Տրիպոլին զավթած Ազգային համաձայնության կառավարությանը։ Հանուն սեփական աշխարհաքաղաքական շահերի՝ Անկարան համագործակցում է տարբեր տեսակի ահաբեկչական կազմակերպությունների հետ, որոնց անդամները այնուհետև հայտնվում են հյուսիսաֆրիկյան հանրապետությունում. հայտնում է «ՌԻԱՖԱՆ» գործակալությունը։

Այսպես, Տրիպոլիի հարավային Սալահ Ադ-Դին շրջանում Ֆայեզ Սարաջի գլխավորած ԱՀԿ-ն հարձակումներ է գործել Լիբիայի Ազգային բանակի դիրքերի վրա, որի հրամանատարը մարշալ Հալիֆե Հաֆթարն է։ Դրանից հետո Հաֆթարի զինվորները իրենց հաղթանակի վերաբերյալ տեսանյութ հրապարակեցին։ Տեսանյությում երևում է Ֆայեզ Սարաջի կառավարության համար կռվող սիրիացի վարձկանների դեմքերը։

Ինչպես հետագայում պարզվեց, ոչնչացված պրոթուրքական զինյալներից մեկը հանդիսանում էր «Ալ-Ամշատ» խմբավորման անդամը։ Այդ կազմակերպությունն արդեն վաղուց է հայտնի Սիրիայում իր հանցագործություններով։ Այն ստեղծվել է 2011 թ. վարորդ Մուհամմադ Հուսեյն Ջասիմի կողմից, ով առավել հայտնի է Աբու Ամշա անվամբ։

Այդ խմբավորումը կազմելու գործում Ջասիմին աջակցել են թուրքական հատուկ ծառայությունները, որը սկզբնապես ուներ մոտ 700 զինյալ և բազմիցս ակտիվ մասնակցություն է ունեցել Բաշար Ասադի դեմ մղվող մարտերին։

2016 թվականից հետո կազմակերպությունը սկսում է ավելի սերտ համագործակցել թուրքական հատուկ ծառայությունների հետ՝ վերանվանվելով «Լիվա սուլթան Սուլեյման շահ»՝ դառնալով պրոթուրքական «Ջեյշ Վաթանիա Սուրիա» միության մաս և մասնակցելով 2018 թ. Թուրքիայի ձեռնարկած «Ձիթենու ճյուղ» ռազմական օպերացիային։

2019 թ .վերջին Թուրքիան սկսում է Սիրիայում կռվող հակակառավարական տարրերին ուղարկել Լիբիա՝ ուղարկելով նաև ապօրինի զենք, որը ՄԱԿ-ի կողմից սահմանված էմբարգոյի խախտում է։

Նշենք նաև, որ Լիբիայում ԱՀԿ համար կռվում են Թուրքիայից բերված մոտ 17 հազար սիրիացի վարձկաններ, որոնց մեջ, ինչպես պարցվեց, նաև Աբու Ամշիի զինյալներն են։