Ապրիլի 21-28-ը փրկարարները 3055 անգամ ախտահանում են իրականացրել, որից 487-ը՝ Երեւանում

Հանրապետության ամբողջ տարածքում ԱԻՆ-ը շարունակում է բնականոն դարձած վարակազերծման գործընթացը։ Այս մասին հայտնում են ԱԻՆ-ից։

Անհրաժեշտության դեպքում ներգրավվում են նաեւ ԱԻՆ Բնակչության պաշտպանության եւ աղետների ռիսկի նվազեցման վարչության Ճառագայթային, քիմիական եւ կենսաբանական իրավիճակի մոնիտորինգի բաժնի մասնագետները։

Վարակազերծման հարցով ԱԻՆ-ին դիմած բոլոր համայնքներին աջակցություն է ցուցաբերվում։

Ապրիլի 21-28-ը փրկարարները 3055 անգամ ախտահանում են իրականացրել. 487-ը՝ Երեւանում, 2568-ը՝ մարզերում։

Բժշկական հաստատություններում, շուկաներում ու սուպերմարկետներում, բանկային ու վարկային կազմակերպություններում օրվա ընթացքում մի քանի անգամ է վարակազերծում արվում։