Երեւանի քաղաքապետարանի աշխատակիցները կրկին պարգեւատրվել են, այս անգամ՝ 102 անձ (աղյուսակ)

Երեւանի քաղաքապետարանում ավելի քան 29 մլն դրամով պարգեւատրվել են: Այս մասին ապրիլի 6-ին կարգադրություն է ստորագրել Երեւանի քաղաքապետ Հայկ Մարությանը:

Չեն պարգեւատրվել քաղաքապետը, փոխքաղաքապետները:

Մարտ ամսվա համար պարգեւատրումը վերաբերում է վարչական շրջանների ղեկավարներին, քաղաքապետարանի ներքին աուդիտի բաժնի աշխատակիցներին:

Ըստ այդմ, սոցիալական ապահովության վարչության պետը, քաղաքապետի երեք խորհրդականներից երկուսը՝ Կամո Արեյանն ու Կարեն Համբարձումյանը, մամուլի քարտուղար Հակոբ Կարապետյանը, Արտաքին կապերի վարչության պետ Գեւորգ Դավթյանը, Շինարարության եւ բարեկարգման վարչության պետ Գրիգոր Հարությունյանը, Իրավաբանական վարչության պետի տեղակալ Անդրանիկ Մուարդյանը, Ճարտարապետության եւ քաղաքաշինության վարչության պետ Մհեր Աղաբեկյանը, Քարտուղարության պետ Արթուր Մկրտչյանը պարգեւատրվել են ամենաբարձրը՝ 560 հազար դրամ:

Պարգեւատրվածների աղյուսակը (առաջին հավելվածը) ներկայացնում ենք ստորեւ.