Հունաստան ԵՄ-ին առաջարկել է կրճատել Թուրքիայի ֆինանսավորումը. Թուրքիան անբարոյականություն է որակել

Հունաստանի վարչապետ Կիրիակոս Միցոտակիսը նամակ է ուղարկել Ֆրանսիայի նախագահ Էմանուել Մակրոնին և Գերմանիայի կանցլեր Անգելա Մերկելին։ Նամակում Միվոտակիստ մասնավորապես առաջարկում է վերանայել Թուրքիային տրամադրվող ֆինանսական աջակցությունը և  աջակցել միայն համապատասխան փախստականների քանակի. հայտնում է greekcitytimes.com կայքը։

Բացի այդ Հունաստանի վարչապետն ընգծել է այն հանգամանքը, որ Թուրքիան օգտագործում է ԵՄ-ի վրա ճնշում գործադրելու և սպառնալու համար։

Հույների նամակին անմիջապես արձագանքել է Թուրքիայի ԱԳՆ-ն՝ նամակն անվանելով բարոյազուրկ մտածողության արդյունք։

Թուրքական կողմը մեղադրեց հույներին փախստականների հանդեպ անմարդկային վերաբերմունքի մեջ, նշելով, որ իբր Թուրքիան ավելի շատ միջոցներ է ծախսում փախստականների վրա, քան ստանում է ԵՄ-ից։

Թուրքիայի ԱԳՆ խոսնակ Համի Աքսոյն առաջարկել է, որ Հունաստանն ինքը ընդունի փախստականներին, և այդ ժամանակ ԵՄ-ն նրանց կաջակցի, իսկ Թուրքիան, որպես հարևան պետություն, նյութական աջակցություն ցույց կտա։

Աքսոյը նաև նշել է, որ Թուրքիան 4 մլն փախստականի համար արդեն ծախսել է 40 մլրդ դոլար։