Այս պահին Երևանում sett-weather
Փոխարժեքներ 22 11 2024
USD ⚊ $ 389.76
EUR ⚊ € 406.4
RUB ⚊ ₽ 3.79
GBP ⚊ £ 488.37
GEL ⚊ ₾ 142.31
կարևոր
0 դիտում, 4 տարի առաջ - 2020-03-31 14:40
Հասարակություն

14 տարեկան վիրավոր երեխա ունենք, ու՞ր եք. կոչ երեխաների իրավունքների պաշտպաններին

14 տարեկան վիրավոր երեխա ունենք, ու՞ր եք. կոչ երեխաների իրավունքների պաշտպաններին

Մանկավարժ-հոգեբան Վարսենիկ Խաչատրյանն իր ֆեյսբուքյան էջում գրում է.

«Այս ամբողջ տեղեկատվական հոսքի մեջ կարևոր, շա՜տ կարևոր մի թեմա է ստվերվում, որը պիտի ուղղակի վերցնել ու ճպացնել բոլոր նրանց ճակատին, ովքեր մեզ՝ «բարբարոս վայրենիներիս» խաղաղության ու խաղաղ համակեցության կոչեր են անում: Հա՛, չեմ մոռանում հիշատակել նաև «Երեխաների իրավունքների պաշտպաններին», ովքեր հիմա, այո՛, հենց հիմա, պիտի աղաղակեն այս թեման՝ առանց դադարի:

14 տարեկան վիրավոր երեխա ունենք...Այս օրերին...պատկերացնու՞մ եք...Համամարդկային այս դժբախտության օրերին, երբ ամբողջ աշխարհը փոխօգնության, ապրումակցման ու սոլիդարության դրսևորումներ է ցուցաբերում իրար նկատմամբ, գազանը մնում է գազան: Ու մեզ անվերջ կոչ են անում խաղաղասիրության: Այո՛, խաղաղասեր եմ, քանի դեռ իմ անվտանգությանը չեն սպառնացել, իսկ երբ դա վերաբերվում է նաև երեխային, ես գազան եմ՝ ինքնապաշտպանական իր բնազդով:
 
Հ.Գ. Մինչև հիմա Արցախում մահացած երեխայի մահը կոկորդիս է, չեմ կարողանում հաշտվել ոչ մի կերպ...Հիմա էլ այս երեխան...երեխան է...
 
Հ.Գ.Խաղաղ մնա՛ք գազանի հետ մի վանդակում, մեզ «անհանդուրժող ու վայրի» համարող խաղաղասերներ»։

Հիշեցնենք՝ երեկ հակառակորդը գնդակոծել էր Տավուշի մարզի Կոթի գյուղը, ավելի վաղ նաև Բաղանիս և Ոսկեւան գյուղերը, վիրավորվել էր 14 տարեկան երեխա։ Միաժամանակ՝ 19:00-ի սահմանում, ադրբեջանական կողմը ձեռնարկել է դիվերսիոն ներթափանցման փորձ Տավուշի մարզի Նոյեմբերյանի շրջանի հայկական դիրքերի ուղղությամբ: Հայկական դիրքապահ ուժերի գործողությունների շնորհիվ հակառակորդը հետ է շպրտվել, կորուստների վերաբերյալ տեղեկությունները ճշտվում են: Հայկական կողմը կորուստներ չունի, գործողությունների հետևանքով թեթև վիրավորում է ստացել երկու զինծառայող: 
 
 
բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը